Spreading Positivity Gujarati Blog

 આપણને માણસ કરતાં પેટ્સ કેમ વધુ વહાલા લાગે છે? દરેક સંબંધનું પોતાનું એક વિશેષ મૂલ્ય હોય છે, પરંતુ સૌથી મહત્વની વાત એ છે કે આપણે એ સંબંધને કેવું અને કેટલું મૂલ્ય આપીએ છીએ. ઈશ્વર અને ભક્ત વચ્ચેનો ભાવ હોય, માતા-પિતા અને સંતાન વચ્ચેનો સ્નેહ હોય, પરિવારના સભ્યો, દંપતી કે મિત્રો વચ્ચેની આત્મીયતા હોય, કોઈ કંપનીના માલિક અને કર્મચારીઓ વચ્ચેનો પરસ્પર વિશ્વાસ હોય, કે પછી મનુષ્ય અને તેના પાલતુ પશુ-પંખી વચ્ચેનો પ્રેમ હોય કોઈપણ સંબંધ ત્યારે જ જીવંત રહે છે જ્યારે તેમાં પરસ્પર આદર, સમજણ, ગાઢ વિશ્વાસ, લાગણીઓની વહેંચણી અને ક્ષમાભાવ હોય. આજે ઘણીવાર એક પ્રશ્ન મનમાં જાગે છે, લોકો પોતાના ઘરમાં જીવનસાથી કે માનવ સંબંધો વિકસાવવાને બદલે પાલતુ પ્રાણીઓ રાખવાનું વધુ કેમ પસંદ કરવા લાગ્યા છે? કદાચ એટલે કારણ કે પ્રાણીઓ સાથેના સંબંધમાં કોઈ જટિલ સંવાદ, દલીલો, પ્રશ્નો કે સંબંધને સતત સાબિત કરવાની જરૂર નથી હોતી. તમે એમને થોડો પ્રેમ આપો, તો સામેથી અપરંપરાગત સ્નેહ જ મળે છે. પણ પ્રશ્ન એ થાય છે કે જે ધીરજ અને પ્રેમ આપણે એક પ્રાણીને આપીએ છીએ, તે જ પ્રેમ આપણી સાથે રહેતા અને આપણી લાગણીઓ શેર કરતા માણસને કેમ નથી આપી શકતા? શું ...

શું તમારા એક શબ્દથી કોઈનું જીવન બદલાઈ શકે? આજના ભાગદોડભરા જીવનમાં ‘ગુડ વાઇબ્સ ઓન્લી’ શબ્દ માત્ર એક ટ્રેન્ડી કેચફ્રેઝ નથી રહ્યો, પણ એ એક સભાન જીવનશૈલી બની ગયો છે. આપણે જેવા વિચારો સેવીએ છીએ, તેવી જ ઊર્જા કે ‘વાઇબ્સ’ આપણી આસપાસ ઉત્પન્ન થાય છે. જો વિચારપ્રક્રિયા હકારાત્મક અને રચનાત્મક દિશામાં વહેતી હોય, તો આપણું મન અને આસપાસનું વાતાવરણ પણ એ જ ઊર્જાથી ભરાઈ જાય છે. એક વ્યક્તિ માટે પોતાનો દ્રષ્ટિકોણ બદલવા માટે માત્ર પોતાના વિચારોની દિશા બદલવી પૂરતી છે; અને ક્ષણભરમાં તેની સમક્ષ એક નવું જ જગત ખુલ્લું મુકાય છે. હું આ વાત શા માટે કહી રહી છું? હાલમાં જ હું એન્જિનિયરિંગના ત્રીજા વર્ષમાં ભણતા એક યુવકને મળી. તેનો દિલથી ડ્રીમ-ગોલ પાઇલટ બનવાનો છે. તે ખૂબ જ હોંશિયાર, બુદ્ધિશાળી અને આત્મજાગ્રત છોકરો છે. પોતાની ક્ષમતાઓ અને નબળાઈઓ બંને વિશે તે સ્પષ્ટ છે. જોકે, તેને વાત કરતી વખતે થોડો ખચકાટ થાય છે તેને લાગે છે કે તે સ્પષ્ટપણે બોલી શકતો નથી. છતાં, એકાદ વર્ષના મનોમંથન પછી તેણે પાઇલટ બનવા માટે તાલીમ લેવાનો દ્રઢ નિશ્ચય કર્યો. વાતચીત દરમિયાન મેં તેને સહજ પૂછ્યું, જો તારે પાઇલટ સિવાય બીજો કોઈ રસ્તો પસંદ કરવાનો હ...

 શા માટે આપણે જે વિચારીએ છીએ તે જ આકર્ષિત કરીએ છીએ? આકાશનો બદલાતો રંગ, આપણી માનસિકતા અને સંકલ્પશક્તિ વચ્ચે એક અદ્ભુત સંબંધ છે. ફ્લાઇટની બારીમાંથી સોનેરી માંથી ઘેરા વાદળી રંગમાં ફેરવાતા આકાશને જોતી વખતે મને અનુભવાયું કે આ અનંત આકાશની જેમ જ આપણા જીવનમાં પણ સંભાવનાઓનો કોઈ અંત નથી. આ દ્રશ્યે મને લો ઓફ અટ્રેક્શનની યાદ અપાવી આપણે જે વિચારીએ છીએ અને જે અનુભવીએ છીએ, તે જ આપણી વાસ્તવિકતા બને છે. હાલમાં જ પ્રસિદ્ધ ગાયિકા શ્રેયા ઘોષાલનો એક ઇન્ટરવ્યુ સાંભળવાનો મોકો મળ્યો, જેમાં તેમણે કહ્યું કે હવે તેઓ પોતાના ગીતોની પસંદગી ખૂબ વિચારીને કરે છે. તેઓ એવા જ સૂર પસંદ કરે છે જે તેમના મૂલ્યો સાથે બંધબેસતા હોય, કારણ કે જે આપણે ગાઈએ છીએ કે વિચારીએ છીએ, તે જ ઉર્જા આપણે આકર્ષિત કરીએ છીએ. આ વાતે મારા વિચારને વધુ દ્રઢ કર્યો કે પછી સંગીત હોય કે આપણો દૈનિક વિચાર આપણી પસંદગી જ આપણા જીવનની દિશા નક્કી કરે છે. આકર્ષણનો નિયમ કહે છે કે 'સમાન ઉર્જા સમાનને આકર્ષે છે'. જો આપણે સકારાત્મકતા, આભારની લાગણી અને સફળતા પર ધ્યાન કેન્દ્રિત કરીએ, તો કુદરતી રીતે જ એ અનુભવો આપણા તરફ ખેંચાઈ આવે છે. મારા શ્રવણમંદ બાળકો સાથેના ક...

 કોલાહલ વચ્ચે શાશ્વત શાંતિની શોધ દુનિયાના કોઈ પણ ખૂણે જાઓ, ઈન્ડિયા કે ભારતીય મૂળના લોકોનો ઉલ્લેખ નીકળતા જ એક વાત વારંવાર સામે આવે છે – ભારત એટલે અતિશય વસ્તી અને બિનજરૂરી કોલાહલ ધરાવતો દેશ! વિદેશમાં વર્ષોથી સ્થાયી થયેલા મારા અનેક મિત્રો સાથે જ્યારે પણ ચર્ચા થાય છે, ત્યારે તેઓ હંમેશા એક જ સુર આલાપે છે અમને ભારતમાં આવવું ગમે છે, અહીંનો અપનાપો સ્પર્શી જાય છે, પણ આ સતત વહેતો શોરબકોર અને વાહનવ્યવહારનો ઘોંઘાટ સનસનાટી મચાવી દે છે. અમે જ્યાં રહીએ છીએ ત્યાં એવી શાંતિની આદત પડી ગઈ છે કે અહીંના વાતાવરણ સાથે તાલમેલ બેસાડવો અઘરો થઈ પડે છે. તેમના આ તર્ક સામે મારો જવાબ હંમેશા સકારાત્મક અને હૃદયસ્પર્શી રહ્યો છે. હું કહું છું, મને ભારતમાં રહેવું એટલા માટે ગમે છે કારણ કે અહીં મારા પોતાના લોકો મારી આસપાસ છે. આ વાતાવરણનો અવાજ મને એ વાતની ક્ષણે-ક્ષણ અનુભૂતિ કરાવે છે કે હું જિંદગીના ધબકારા વચ્ચે છું. અહીં કોઈને પણ, કોઈ પણ સમયે, વગર અચકાટે મળી શકાય છે. વાસ્તવમાં, અશાંતિ કે શાંતિ એ સ્થળનો ગુણધર્મ નથી, પરંતુ વ્યક્તિગત દ્રષ્ટિકોણનો વિષય છે. કોઈને જે ઘોંઘાટ અને બિનજરૂરી ખલેલ લાગે છે, તે જ અવાજ બીજા કોઈ માટે જ...